Глыбоцкі раённы выканаўчы камітэт

Адрас райвыканкама:
211800, Віцебская воб., г. Глыбокае, вул. Леніна, 42

Тэлефон прыёмнай:
8 (02156) 2 58 65
Факс: 8 (02156) 2 58 30

Візітная картка горада
Візітная картка горада
Галоўная / Навіны / Навіны рэспублікі
15 ліпеня 2020

Прэм'ер-міністры Беларусі і Расіі падпісалі дакументы ў сферы энергетыкі

Прэм'ер-міністры Беларусі і Расіі Раман Галоўчанка і Міхаіл Мішусцін 14 ліпеня ў Маскве падпісалі тры дакументы ў сферы энергетыкі. Аб гэтым паведаміў журналістам беларускі прэм'ер-міністр па выніках свайго візіту ў расійскую сталіцу, перадае карэспандэнт БЕЛТА.

Раман Галоўчанка ўдакладніў, што два дакументы з трох датычацца змяненняў у міжурадавае пагадненне аб будаўніцтве Беларускай атамнай электрастанцыі. Трэці дакумент рэгулюе ўмовы пастаўкі расійскіх энерганосьбітаў у Беларусь.

"Мы сёння падпісалі тры міжнародныя дакументы, - расказаў Раман Галоўчанка. - Да апошняга дня не была зразумела дакладная колькасць, на якую мы выйдзем. Тым не менш задача-максімум выканана: гэта два пратаколы да міжурадавага пагаднення па будаўніцтве Беларускай атамнай станцыі і асобнае пагадненне, якое рэгулюе ўмовы паставак энерганосьбітаў, у прыватнасці нафты, у Беларусь".

Раман Галоўчанка падкрэсліў, што ўсе падпісаныя дакументы адпавядаюць інтарэсам Беларусі. "Больш таго, і па будаўніцтве атамнай станцыі, і па пастаўках энерганосьбітаў яны з'яўляюцца вельмі выгаднымі для нашай краіны. Магу сказаць, што толькі па будаўніцтве атамнай станцыі Беларусь атрымала эканомію, якая вылічваецца сотнямі мільёнаў долараў".

Прэм'ер-міністр Беларусі нагадаў, што прынцыповая дамоўленасць аб падпісанні гэтых дакументаў была дасягнута кіраўнікамі дзвюх дзяржаў Аляксандрам Лукашэнкам і Уладзімірам Пуціным. "Але заняла даволі працяглы час практычная адпрацоўка пытанняў, каб мы поўнасцю змаглі захаваць свае інтарэсы", - адзначыў беларускі прэм'ер-міністр.

Адносна пагаднення па ўмовах паставак энерганосьбітаў, Раман Галоўчанка растлумачыў, што пытанне больш належыць да камерцыйнай сферы. "У прынцыпе, гэта тэхнічнае пагадненне, якое рэгулюе пытанні аплаты паставак энерганосьбітаў у Беларусь", - дадаў ён.